Бүгүн сорох сиринэн ардыаҕа

Саха сиринээҕи гидрометеокиин иһитиннэрбитинэн, бүгүн, бэс ыйын 22 күнүгэр, Ленскэй, Мииринэй, Өлөөн, Өлүөхүмэ, Эдьигээн, Сунтаар, Ньурба, Өймөкөөн, Муома, Анаабыр, Булуҥ улуустарыгар ардыаҕа, сорох сиринэн этиҥнээх буолуоҕа. 

Түүнүн салгын температурара +10+15°С,  хотугулуу-арҕаа, арҕаа  +3+8°С,  арктика кытылынан 0,+5°С. буолар. Күнүһүн  +25+30°С, хотугулуу-илин, арҕаа (ардаатаҕына) +15+20°С, хотугулуу-арҕаа  +12+17°С, арктика кытылынан  +3+8°С. буолара күүтүллэр.

Бэс ыйын 23 күнүгэр

Бэс ыйын 23 күнүгэр Өлүөнэ алын өттүгэр быстахтык ардыаҕа, сорох сиринэн этиҥнээх буолуо. Арктика улуустарыттан Халыма-Индигиир оройуоннарыгар сорох сиринэн быстахтык ардыаҕа, этиҥ этэн лүһүгүрэтиэ. Сөкүүндэҕэ 9-14 м түргэннээх тыаллаах буолуоҕа.

Түүнүн салгын температурата +9+14°С,  күнүһүн +27+32°С, арҕаа уонна илин (ардаатаҕына) +18+23°С буолуоҕа.