Бүгүн сорох сиринэн дохсун ардах, күүстээх тыал түһэрэ күүтүллэр

Бүгүн, от ыйын 11 күнүгэр, өрөспүүбүлүкэ баһыйар үгүс өттүгэр кыралаан ардыаҕа, сорох сиринэн этиҥнээх ардах түһүөҕэ.

Уус Маайаҕа, Томпоҕо, Алдаҥҥа,  Нерюнгрига сорох сиринэн дохсун ардах түһүөҕэ. Этиҥнээх ардах кэмигэр уонна Арктика кытылынан 15-18 м. түргэннээх тыал түһэрэ күүтүллэр.

Горнайга, Хаҥаласка, Уус Маайаҕа, Ленскэйгэ, Өлүөхүмэҕэ, Бүлүү улуустарыгар, Алдаҥҥа, Нерюнгригэ, Томпоҕо, Дьокуускайга этиҥнээх ардах, 15-18 м түргэннээх тыал түһүөҕэ.

Салгын температурата түүн  +11+16°С,  хоту +7+12°С, күнүс  +18+23°С,  соҕуруулуу-арҕаа  +24+29°С,  хоту  +15+20°С кыраадыс буолуоҕа.