Бүгүн сорох сиринэн инчэҕэй хаар, этиҥнээх ардах түһүөҕэ

Бүгүн, бэс ыйын 17 күнүгэр, өрөспүүбүлүкэ соҕуруулуу-илин, илин өттүгэр ардыаҕа, соҕуруу ардах күүскэ түһүөҕэ.  Хотугулуу-илин инчэҕэй хаар, күнүс соҕуруулуу-арҕаа кыралаан ардыаҕа, сорох сиринэн этиҥнээх ардах түһүөҕэ.

Этиҥнээх ардах кэмигэр сөкүүндэҕэ  15-18 м. түргэннээх тыал түһэрэ сабаҕаланар.

Салгын температурата түүн  +2+7°С, киин оройуоннарга, соҕуруулуу-арҕаа, Бүлүү умнаһынан -4,+1°С, сорох сиринэн хаһыҥныаҕа, күнүс  +12+17°С, соҕуруулуу-арҕаа +18+23°С, хоту +7+12°С, Арктика кытылынан  0,+5°С кыраадыс буолуоҕа.