Бүгүн сорох сиринэн инчэҕэй хаар, этиҥнээх ардах түһүөҕэ

Бүгүн, балаҕан ыйын 3 күнүгэр, өрөспүүбүлүкэ соҕуруу, соҕуруулуу-арҕаа өттүгэр кыралаан ардыаҕа, сорох сиригэр этиҥнээх ардах түһүөҕэ.  Хоту, хотугулуу-илин кыралаан ардыаҕа, сорох сиринэн инчэҕэй хаар  түһэрэ күүтүллэр.

Этиҥнээх ардах кэмигэр, Эдьигээҥҥэ, Мииринэйгэ, Ленскэйгэ, Булуҥҥа, Анаабырга   15-18 м. түргэннээх тыал түһүөҕэ.

Салгын температурата түүн   +4+9°С, соҕуруулуу-арҕаа  +8+13°С, халлаан дьарҕарыыта  -3,+2°С, хоту 0,-5°С, күнүс  +15+20°, соҕуруу +20+25°С, хотугулуу-арҕаа +10+15°С, хотугулуу-илин  +3+8°С кыраадыс буолуоҕа.