Бүгүн сорох сиринэн инчэҕэй хаар, күүстээх тыал түһэрэ күүтүллэр

Бүгүн, ыам ыйын 18 күнүгэр, өрөспүүбүлүкэ хоту өттүгэр инчэҕэй хаар түһэрэ сабаҕаланар.  Халымаҕа, арҕаа оройуоннарга  сөҥүү түһэрэ  күүтүллүбэт. Мантан атын оройуоннарга кыралаан ардыаҕа. 

Соҕуруу, Өлүөнэ аллараа тардыытынан сөкүүндэҕэ  15-18 м.,  хоту, хотугулуу-арҕаа 14 м. түргэннээх тыал түһүөҕэ.

Салгын температурата күнүс +5+10°С,  хоту, хотугулуу-арҕаа  0,-5°С кыраадыс буолуоҕа.

Арктика кытылынан, Анаабырга, Булуҥҥа кыралаан хаардыаҕа, сорох сиринэн  17-22 м. түргэннээх тыал, буурҕа түһүөҕэ  Салгын температурата күнүс  -1,+4°С, арҕаа түүн -8-13°С, күнүс  -4,+1°С кыраадыс буолуоҕа диэн Гидрометкиин биллэрэр.