Бүгүн сорох сиринэн күүстээх тыал, ардах түһэрэ күүтүллэр

Бүгүн, ыам ыйын  21 күнүгэр, Эдьигээн, Кэбээйи, күнүс Үөһээ Дьааҥы, Эбээн Бытантай, Усуйаана, Ленскэй, Өлүөхүмэ улуустарыгар  15-20 м,  Булуҥ, Анаабыр улуустарыгар 18-23 м түргэннээх тыал түһэрэ күүтүллэр.

Үөһээ Дьааҥыга инчэҕэй хаар, хайалаах сирдэринэн хаар хойуутук түһэрэ сабаҕаланар.

Өрөспүүбүлүкэ арҕаа, киин, соҕуруу, илин өттүгэр кыралаан ардыаҕа, сорох сиринэн инчэҕэй хаар түһүөҕэ.

Салгын  температурата түүн  -2,+3°, соҕуруулуу-арҕаа  +4,+9°, хоту -8,-13°, күнүс  +5,+10°, илин  +10,+15°, соҕуруу, соҕуруулуу-арҕаа  +17,+22°, хоту  -3,+2°, сөҥүү түһэр кэмигэр  -4,-9°.