Бүгүн сорох улуустарга -1 кыраадыс буолара күүтүллэр

Бүгүн, сэтинньи 18 күнүгэр, Саха сирин сорох улуустарыгар -1 кыраадыс буолара күүтүллэр диэн Саха сиринээҕи УГМС иһитиннэрэр.

Өрөспүүбүлүкэ үгүс өттүгэр кыралаан хаар түһэрэ күүтүллэр. Оттон хотугулуу-арҕаа улуустарга, Өлүөнэ алын тардыытынан уонна соҕуруу улуустарга сорох сирдэринэн хаар хойуутук түһүөҕэ диэн иһитиннэрэллэр.

Арктика кытылынан сөкүүндэҕэ 15-20 миэтэрэ түргэннээх тыаллаах, Өлүөнэ алын тардыытынан сөкүүндэҕэ 22 миэтэрэ түргэннээх тыаллаах.

Күнүс -19-24°, арҕаа -8-13°, соҕуруулуу-арҕаа, соҕуруу -1-6°, илин -24-29°, хотугулуу-илин хотоол сирдэргэ  -33-38°.