Бүгүн сорох улуустарга +10 кыраадыс буолара күүтүллэр

Бүгүн, муус устар 17 күнүгэр, Саха сирин сорох улуустарыгар +10 кыраадыс буолара күүтүллэр диэн УГМС иһитиннэрэр.

Хоту, хотугулуу-арҕаа, Халыма-Индигиир улуустарыгар кыралаан хаардыаҕа, соҕуруу сорох сирдэринэн инчэҕэй уонна хойуу хаар түһэрэ күүтүллэр.

Арҕаа, хоту сөкүүндэҕэ 9-14 миэтэрэ түргэннээх тыаллаах, арҕаа, хотугулуу-арҕаа, Өлүөнэ алын тардыытынан сөкүүндэҕэ 15-18 миэтэрэ түргэннээх тыаллаах.

Түүн салгын температурата -5-10°, халлаан халыннаҕына -13-18°, хотугулуу-илин -22-27°. Күнүс салгын температурата 0,+5°, соҕуруулуу-арҕаа +5+10°, хоту 0,-5°.