Бүгүн сорох улуустарга +14 кыраадыс буолара күүтүллэр

Бүгүн, ыам ыйын 6 күнүгэр, Саха сирин сорох улуустарыгар +14 кыраадыс буолара күүтүллэр диэн УГМС иһитиннэрэр.

Уус Маайаҕа, Томпоҕо, Өймөкөөҥҥө, Өлөөҥҥө, Мииринэй хоту өттүгэр, Ленскэйгэ сөҥүүлээх диэн саайтка суруйаллар. Атын улуустарга сөҥүүтэ суох. Булуҥҥа, Анаабырга сөкүүндэҕэ 15-17 миэтэрэ түргэннээх тыаллаах.

Түүн салгын температуурата 0,-5°, хотугулуу-илин, хотугулуу-арҕаа -4-9°, Арктика оройуоннарыгар -9-14°, халлаан халыннаҕына -19-24°, күнүс +9+14°, хоту +3+8°, Арктика оройуоннарыгар -7-12°.

Ыам ыйын 6 күнэ — Дьөгүөрэйэп күнэ. Эрдэлээбит кус кэлэр. Бу күн тымныйдаҕына, хатааһыннаах буолар.