Бүгүн сорох улуустарга -17 кыраадыс буолара күүтүллэр

Бүгүн, тохсунньу 5 күнүгэр, Саха сирин сорох улуустарыгар -17 кыраадыс буолара күүтүллэр диэн УГМС иһитиннэрэр.

Соҕуруулуу-арҕаа уонна илин улуустарга кыралаан хаардыаҕа, киин улуустарга тымныы туманнаах күн турара күүтүллэр.

Түүн салгын температурата -40-45°С, хотугулуу-арҕаа -45-50°С, арҕаа -35-40°С, соҕуруулуу-арҕаа -25-30°С, соҕуруулуу-илин, Халымаҕа -30-35°С. Күнүс -35-40°С, соҕуруу, арҕаа -28-33°С, соҕуруулуу-арҕаа -20-25°С, Арктика кытылыгар сорох сиринэн -17-22°С.