Бүгүн сорох улуустарга 39 кыраадыска тиийэ тымныйыаҕа

Бүгүн, ахсынньы 6 күнүгэр, Саха сирин сорох улуустарыгар 39 кыраадыска тиийэ тымныйыаҕа диэн УГМС иһитиннэрэр.

Соҕуруу, арҕаа уонна сорох сирдэринэн киин улуустарга кыралаан хаар түһэрэ күүтүллэр. Түүн соҕуруу улуустарга тыаллаах, күнүс арҕаа улуустарга сөкүүндэҕэ 9-14 миэтэрэ түргэннээх тыаллаах.

Түүн салгын температурата -28-33°, соҕуруу -16-21°, хоту -34-39°. Күнүс -23-28°, арҕаа, соҕуруу   -15-20°, соҕуруулуу-арҕаа -10-15°, хоту -30-35°.

Арктика кытылыгар кыралаан хаардыаҕа, Анаабыр уонна Булуҥ улуустарыгар сөкүүндэҕэ 12-20 миэтэрэ түргэннээх тыаллаах.