Бүгүн сорох улуустарга -48 кыраадыс буолара күүтүллэр

Бүгүн, ахсынньы 22 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.

Илин, хоту, соҕуруулуу-арҕаа кыралаан хаар түһэрэ күүтүллэр. Арктика кытылынан сөкүүндэҕэ 19-24 миэтэрэ түргэннээх, күнүс сөкүүндэҕэ 27 миэтэрэ түргэннээх тыаллаах.

Салгын температурата -38,-43°, хотугулуу-арҕаа, хотугулуу-илин, илин эҥээр -43,-48°, соҕуруулуу-арҕаа, Халымаҕа -28,-33°, соҕуруу сорох сирдэринэн -23,-28°.