Бүгүн сорох улуустарга 49 кыраадыска тиийэ тымныйара күүтүллэр

Бүгүн, сэтинньи 22 күнүгэр, Саха сирин сорох улуустарыгар 49 кыраадыска тиийэ тымныйара күүтүллэр диэн УГМС иһитиннэрэр.

Өрөспүүбүлүкэ хотугулуу-илин, киин улуустарыгар улахан сөҥүү түһэрэ күүтүллүбэт, оттон арҕаа, хотугулуу-арҕаа улуустарга кыралаан хаардыаҕа, сорох сиринэн сөкүүндэҕэ 9-14 миэтэрэ түргэннээх тыаллаах.

Түүн салгын темпөратурата -30-35°, хотугулуу-илин 38-43°, Дьааҥыга -44-49°, арҕаа, соҕуруу  -18-23°, соҕуруулуу-арҕаа -8-13°, күнүс -21-26°, хотугулуу-арҕаа -30-35°, Дьааҥыга -40-45°, арҕаа -3-8°, соҕуруу -8-13, сорох сирдэринэн -13-18°.

Сэтинньи билгэтинэн, бу күн былытырдаҕына, ахсынньы 4-гэр диэри ичигэс. Дьүкээбил уоттаннаҕына, былыт (ичигэс) кэлэр. Мас кырыаланнаҕына тымныы түһэр, туман түстэҕинэ ириэрэр.