Бүгүн сорох улуустарга -51 кыраадыс буолара күүтүллэр

Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.

Арҕаа, илин уонна соҕуруулуу-арҕаа улуустарга күнүс хаар түһүөҕэ, атын улуустарга түһэрэ күүтүллүбэт.

Киин, арҕаа улуустарга тымныы туманнаах.

Булуҥҥа сорох сиринэн сөкүүндэҕэ 17-22 миэтэрэ түргэннээх тыаллаах, буурҕалаах.

Салгын температурата  -41-46°, хотугулуу-илин хотоол сирдэргэ -46-51°, соҕуруу, арҕаа  -30-35°, сорох сирдэринэн -24-29°.