Бүгүн сорох улуустарга -52 кыраадыс буолара күүтүллэр

Бүгүн, ахсынньы 12 күнүгэр, Саха сирин сорох улуустарыгар -52 кыраадыс буолара күүтүллэр диэн УГМС иһитиннэрэр.

Арҕаа, соҕуруу уонна Халыма улуустарыгар хаар түһүөҕэ. Киин, Уус Маайа, Томпо оройуоннарыгар туманнаах.

Ленскэйгэ, Мииринэй соҕуруу өттүгэр сөкүүндэҕэ 9-14 миэтэрэ түргэннээх тыаллаах.

Түүн салгын температурата -40 -45°, Дьааҥыга -47 -52°, соҕуруулуу-арҕаа уонна Халымаҕа -22 -27°, соҕуруу, соҕуруулуу-арҕаа -13 -18°.

Күнүс -36-41°, хотугулуу-арҕаа, Халымаҕа -19-24°, Дьааҥыга -44-49°, соҕуруу, соҕуруулуу-арҕаа -12-17°. Арктика улуустарыгар хаар түһэрэ күүтүллэр.