Бүгүн сорох улуустарга 53 кыраадыска тиийэ тымныйара күүтүллэр

Бүгүн, тохсунньу 25 күнүгэр, Саха сирин сорох улуустарыгар 53 кыраадыска тиийэ тымныйара күүтүллэр диэн УГМС иһитиннэрэр.

Өрөспүүбүлүкэ үгүс оройуоннарыгар хаардыыра күүтүллэр, итиэннэ Ленскэй, Мииринэй, Өлүөхүмэ оройуоннарыгар сорох сирдэринэн сөкүүндэҕэ 15-20 миэтэрэ, Булуҥҥа 17-22 миэтэрэ, ардыгар 25-30 миэтэрэ түргэннээх тыаллаах, буурҕалаах диэн иһитиннэрэллэр.

Түүн салгын температурата  -28-33°, сорох сирдэринэн -20-25°, арҕаа, илин -35-40°, сорох сирдэринэн -40-45°, хотугулуу-арҕаа -48-53°, күнүс -20-25°, илин -30-35°, хоту -35-40°, хотугулуу-арҕаа -41-46°, соҕуруу -15-20°.