Бүгүн сорох улуустарга -55 кыраадыс буолара күүтүллэр

Бүгүн, тохсунньу 21 күнүгэр, Саха сирин сорох улуустарыгар -55 кыраадыс буолара күүтүллэр диэн УГМС иһитиннэрэр.

Ол курдук, үгүс оройуоннарга, ол иһигэр Ленскэйгэ, Мииринэйгэ, Бүлүү бөлөххө, Томпоҕо кыралаан хаардыыра күүтүллэр. Арҕаа уонна Арктика кытылын улуустарыгар сөкүүндэҕэ 9-14 миэтэрэ түргэннээх тыаллаах.

Түүн салгын температурата -30-35°, соҕуруу -20-25°, соҕуруулуу-арҕаа -15-20°, хотугулуу-илин, хотугулуу-арҕаа -43-48°, Өймөкөөҥҥө -50-55°, күнүс -21-26°, соҕуруу, соҕуруулуу-арҕаа  -10-15°, хотугулуу-илин -40-45°.

Бүгүн күнүс Дьокуускайга -20-22° буолара күүтүллэр, кыралаан хаардыаҕа, сөкүүндэҕэ 2-5 миэтэрэ түргэннээх тыаллаах.