Бүгүн сорох улуустарга -9 кыраадыс буолара күүтүллэр

Бүгүн, тохсунньу 28 күнүгэр, Саха сирин сорох улуустарыгар -9 кыраадыс буолара күүтүллэр диэн УГМС иһитиннэрэр.

Хотугулуу-илин, соҕуруулуу-илин, киин улуустарга, өрүс кытылынан, Өлүөнэ өрүс алын тардыытынан сорох сирдэринэн быстах хаардыыра күүтүллэр.

Арктика кытылынан сөкүүндэҕэ 15-17 миэтэрэ түргэннээх тыаллаах.

Күнүс салгын температурата -25-30°, арҕаа -30-35°, хотугулуу-арҕаа хотоол сирдэргэ -40-45°, соҕуруу, соҕуруулуу-илин -20-25°, Халымаҕа -13-18°, Арктика кытылыгар -9-14°.