Бүгүн сорох улуустарга ардах түһэрэ күүтүллэр

Бүгүн, от ыйын 27 күнүгэр, Саха сирин сорох улуустарыгар быстах ардах түһэрэ күүтүллэр. Ол курдук, Мииринэй уонна Өймөкөөн оройуоннарыгар ардыан сөп диэн ЯУГМС пресс-сулууспата иһитиннэрэр.

Итини таһынан күнү-дьылы кэтээн көрөөччүлэр өрөспүүбүлүкэ соҕуруулуу-арҕаа уонна соҕуруу улуустарыгар сөкүүндэҕэ 15-17 м. түргэннээх тыал үрүөҕэ, быстах ардах түһүөҕэ диэн билгэлииллэр. Саха сирин хотугулуу-илиҥҥи улуустарыгар эмиэ кыралаан ардыаҕа, тыалырыаҕа.

Дьокуускайга күнүс +25, +27 кыраадыс буолуоҕа.