Бүгүн сорох улуустарга хаар түһэрэ күүтүллэр

Бүгүн, сэтинньи 30 күнүгэр, соҕуруу, соҕуруулуу-арҕаа, киин улуустарга хаар түһүөҕэ диэн УГМС иһитиннэрэр.

Түүн салгын температурата  -24-29°, хаар түстэҕинэ -18-23°, илин, хоту улуустарга -33-38° буолара күүтүллэр.

Күнүс салгын температурата  -18-23°, соҕуруу, соҕуруулуу-арҕаа улуустарга -13-18°, арҕаа, илин, хоту улуустарга -23-28° буолуоҕа.

Киин куоракка бүгүн түүн -24-26°,  күнүс -18-20° буолара күүтүллэр. Хаар түһүөҕэ, сөкүүндэҕэ 2-7 миэтэрэ түргэннээх тыаллаах.