Бүгүн субуотунньукка таҕыстылар

 Бүгүн тутуу боппуруоһунан суһал ыстаап мунньаҕын кэнниттэн, Ил Дархан Дьокуускай куорат 202-c түөлбэтигэр субуотунньукка кытталларыгар этии киллэрдэ.

Өрөспүүбүлүкэ салалталарын уонна куорат дьаһалтатын бэрэстэбиитэллэрэ, Губинскай уокурук управата, биллиилээх спортсменнар Ил Дархан Айсен Николаев салалтатынан Роман Дмитриев аатынан уулуссаны ыраастаатылар, өрө тартылар.

«Суһал ыстаап мунньаҕын кэнниттэн, кэллиэгэлэрбин субуотунньуктуу тахсыаҕыҥ диэн ыҥырдым. Уһулуччулаах спортсмен Роман Дмитриев үбүлүөйүн көрсө, эһиил бу уулусса тупсарыллыахтаах. Онон бу куорат биир саамай кэрэ миэстэлэриттэн биирдэстэринэн буолуоҕа«, — диир Айсен Николаев.

Ил Дархан куорат уонна куорат таһыгар олорор дьону бу күннэргэ уокуруктарынан ыытыллар субуотунньуктарга көхтөөхтүк кытталларыгар ыҥырда.

Бүгүҥҥү субуотунньукка манна 64 куул бөх-саха хомулунна.

Санатан эттэххэ, сааскы күүтүүлээх бырааһынньыктары, ыам ыйын 1 уонна 9 күннэрин көрсө, Дьокуускайга уонна улуустарга үгэс курдук субуотунньуктар ыытыллаллар.

Дьокуускайга Ил Дархан сорудаҕынан, өрөспүүбүлүкэ салалталарын үлэһиттэрэ  куорат уокуруктарынан хаары ыраастааһыҥҥа, ууну хачайдааһыҥҥа кыттыыны ылаллар.

СӨ Ил Дарханын уонна Бырабыыталыстыбатын пресс-сулууспата