Бүгүн туманнаах, -55 С кыраадыска тиийэ тымныйа

Саха сирин синоптиктара бүгүн, олунньу 3 күнүгэр, түүн соҕуруу оройуоннарынан, күнүс киин улуустарынан, арҕаа өттүгэр кыралаан хаар түһэрэ күүтүллэр.

Хотугулуу-арҕаа, хоту, хотугулуу-илин кыра хаар түһэрэ сабаҕаланар. Киин улуустарынан түүн туманнаах. Соҕуруу күүстээх тыаллаах, хотугулуу-арҕаа, хоту сөкүүндэҕэ 15-20 м. диэри түргэннээх тыаллаах. Булуҥ, Анаабыр улуустарынан сөкүүндэҕэ 19-24 м. түргэннээх тыаллаах, тибиилээх, хоту муора кытылынан  сөкүүндэҕэ 25-30 м. түргэннээх тыаллаах, буурҕа түһэр.

Салгын температурата түүн -40-45 С, хотугулуу-илин -45-50 С, Өлүөнэ алын тардыытынан -50-55 С, арҕаа -35-40 С, хотугулуу-арҕаа -29-34 С кыраадыс тымныы. Күнүс салгын температурата-30-35 С, хоту -35-40 С, хотугулуу-арҕаа -43-48 С, соҕуруулуу-арҕаа -25-30 С, хотулугуу-илин -16-21 С кыраадыс тымныы.

Дьокуускайга түүн сөҥүүтэ суох, кыралаан хаардыыр, түүн уонна сарсыарда туманнаах, соҕуруулуу-аррҕааттан түүн сөкүүндэҕэ 1-4 м. түргэннээх тыаллаах, күнүс сөкүүндэҕэ 2-7 м. түргэннээх тыалырыа.  Салгын температурата түүн -39-41°С, күнүс -29-31°С кыраадыс тымныы.