Бүгүн түөрт улуус төрүттэммит күнэ

Киһиэхэ төрөөбүт сирэ-дойдута туохтааҕар даҕаны күндү буолар. Бүгүн түөрт улуус олохтоохторо төрөөбүт дойдуларын төрүттэммит күннэрин бэлиэтииллэр.

1930 с. олунньу 10 күнүгэр Мэҥэ Хаҥалас, Хаҥалас уонна Нам улуустара, оттон биэс сыл кэннэ эмиэ бу бэлиэ күн Үөһээ Бүлүү улууһа төрүттэммитэ.

Ааспыт 2023 с. дааннайынан, Мэҥэ Хаҥалас улууһугар – 33110, Хаҥалас улууһугар – 34435, Нам улууһугар – 24860, Үөһээ Бүлүү улууһугар 20889 киһи олороро биллэр.

Киин быыбардыыр хамыыһыйа иһитиннэрэринэн, «Выборы» ГАС дааннайынан, быыбардааччытын ахсаана 2024 с. тохсунньутааҕы туругунан Үөһээ Бүлүү улууһугар — 13127 киһи, Мэҥэ Хаҥалас улуһуугар – 25 099 киһи, Нам улууһугар – 16 033 киһи, Хаҥалас улууһугар — 22 631 киһи.