Сэтинньи 18 күнэ – Арассыыйаҕа Тымныы оҕонньор (Дед Мороз) төрөөбүт күнэ. Тымныы оҕонньор олорор сиригэр – Вологодскай уобалас Улуу Устюг куоратыгар бу күнтэн ыла кыһын саҕаланар, тымныы түһэр эбит.
Кыһыҥҥы аптаах оҕонньор хас саастааҕа биллибэт, ол эрээри, 2 тыһыынча сыл хаарын уулларбыт үһү. Былыр илиҥҥи славяннарга кинини Трескун диэн тымныы иччитинэн ааттыыллара, онтон сыыйа Морозко, Мороз Иванович диэн ааттаммыт.
Литератураҕа Тымныы оҕонньор аан бастаан 1840 сыллаахха Владимир Одоевскай «Детские сказки дедушки Иринея» кинигэтигэр баар буолбут.
Оттон 1999 сыллаахха аан бастаан Улуу Устюг Тымныы оҕонньор төрөөбүт сиринэн ааттаммыт, дьиэ, тэлгэһэ тутуллубут.
Сэтинньи 18 күнүгэр онно улахан бырааһынньык тэриллэр. Анал буоста дьааһыгын уураллар, онно Тымныы оҕонньору бэйэтин эҕэрдэлиир аккырыыккалары угаллар. Улуу Устюг куоракка улахан бырааһынньык тэриллэр, киэһэтин киин болуоссакка улахан харыйа уоттарын уматаллар. “Кэлиэгэлэрин” эҕэрдэлии Европаттан Санта Клаус, Чехияттан Микулаш, Карелияттан Паккайне, Бурятияттан Сагаан Убугун, Татарстантан Кыш Бабай, Саха сириттэн Чысхаан тиийэллэр. Бу аптаах оҕонньоттору көрөөрү, киһи бөҕө мустар эбит.
Бу кэнниттэн Тымныы оҕонньор дойду устун кыһыҥҥы айана саҕаланар. Үгэс курдук, ахсынньы 1 күнүгэр “Кыһын Саха сириттэн саҕаланар” бэстибээлгэ кэлэн кыттар.
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…