Хаартыска: PxHere
От ыйын 25 күнүгэр Арассыыйаҕа бэйиэт, киинэ, тыйаатыр артыыһа, бард ырыаһыт, прозаик, сценарист, РСФСР үтүөлээх артыыһа, ССРС Судаарыстыбаннай бириэмийэтин лауреата Владимир Высоцкай күнэ бэлиэтэнэр.
Кини 1938 сыл тохсунньу 25 күнүгэр төрөөбүт, 1980 сыл от ыйын 25 күнүгэр өлбүт эбит. Ол эбэтэр, бу орто дойдуга 42 сыл эрэ олорбут эбит.
Кини эдэр эрдэҕиттэн ырыаларынан биллэн барбыта. Ааспыт үйэ 60-с сылларыгар Сэбиэскэй Сойууска «саҥа тыын» киирбит кэмэ этэ.
Высоцкай 1960 сыллаахха МХАТ оскуола-устуудьуйатын бүтэрбитэ, онтон Таганка тыйаатырыгар үлэлээбитэ, элбэх оруоллары артыыс быһыытынан арыйбыта.
Киинэҕэ аан бастаан 1959 сыллаахха уһуллубута. Үйэтин тухары 25 киинэҕэ уһуллубут. Кинини ордук капитан Жеглов («Место встречи изменить нельзя»), зоолог фон Корен («Плохой хороший человек»), подпольщик Бродскай («Интервенция»), Дон Гуан («Маленькие трагедии»), о.д.а. оруолларынан билэллэр.
Кини ырыаларын тыыннааҕар сэбиэскэй цензура бобор этэ. Дьон бэйэтэ кини хоһооннорун тэтэрээттэргэ устан, ырыалара уостан уоска бэриллэн, тарҕанара. Өлбүтүн кэннэ, уларыта тутуу кэнниттэн, кини айар үлэтин ырытыы, чинчийии үлэтэ саҕаламмыта. Судаарыстыбаннай бириэмийэни анаабыттара.
Владимир Высоцкай 20-с үйэҕэ нуучча култууратыгар биир сүрүн миэстэни ылан, дьон өйүгэр-санаатыгар улаханнык дьайбыт киһи быһыытынан сыаналанар.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…