Хаартыска: ааҕааччы тиксэриитэ
ХХ үйэ 30-с сылларыгар ССРС Оборонаҕа министиэристибэтэ Транссиб суолу сэргэ стратегическай суолталаах тимир суолу тутарга быһаарбыта.
Онон кэлин Малай БАМ диэн ааттаммыт Бамовскай-Тында тимир суолу оҥорон саҕалаабыттара. 1940-41 сылларга рельстэри ууран, үлэ көхтөөхтүк барбыта, ол гынан баран Аҕа дойду Улуу сэриитэ саҕаланан, үлэ тохтообута.
1950-с сылларга БАМ туһунан кэпсэтии эмиэ сөргүтүллүбүтэ. Чинчийэр үлэлэри ыытан, Саха сирин соҕуруу өттүгэр таас чохтоох сир баарын булбуттара. Онон сүрүн суолу кытта Малай БАМ-ы тутарга быһаарбыттара.
Байкал-Амур магистралын тутуу үлэтэ дьиҥнээхтик 1974 сылтан саҕаламмыта. Тутууну Бүтүн Сойуустааҕы күргүөмнээх үлэнэн биллэрэн, хомсомуол бастакы этэрээттэрэ тиийбиттэрэ. Кинилэр ортолоругар Саха сирин хомсомуоллара эмиэ бааллара.
БАМ-ҥа оробуочай илии төһө да тиийбэтин иһин, 1970-с сылларга тутууга бастыҥтан бастыҥнар эрэ бараллара. БАМ үгүс тутааччыта АЯМ (Амур-Якутскай магистралыгар) салгыы үлэлээбитэ. Онон БАМ уонна АЯМ хас да көлүөнэ дьонун дьылҕатыгар улахан оруолламмыта.
Биһиги хаһыаппыт ааҕааччыта Альберт:
«Бүгүн АЯМ тутааччыларыгар үбүлүөйдээх күн. 40 сыл анараа өттүгэр «Якутский комсомолец-2» этэрээт уобаластааҕы хомсомуол кэмпиэринсэйиттэн тута АЯМ-ҥа үлэлии Беркакикка тиийбитэ. Нерюнгри аэропордуттан оптуобуһунан Беркакит бөһүөлэгэр номоххо киирбит бу бронепоездка оптуобуһунан аҕалбыттара. Биһиги манна олорбуппут», -– диэн суруйар уонна хаартыскалары ыытар.
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…