Сайаана Львова хаартыскаҕа түһэриитэ
Үөһээ Бүлүү улууһа олунньу 10 күнүгэр 1935 сыллаахха төрүттэммитэ. Улуус сирин иэнэ 42 тыһ. кв.км, нэһилиэнньэтин ахсаана 21 тыһ. тахса. Улуус соҕуруу өттүгэр Өлүөхүмэ, арҕаа – Ньурба уонна Сунтаар, илин – Бүлүү уонна Горнай, хоту – Өлөөн улуустарын кытта кыраныыссалаһар.
Үөһээ Бүлүү улууһа өрөспүүбүлүкэ арҕаа өттүгэр баар. Дьокуускай куораттан Үөһээ Бүлүү улууһун киинигэр диэри сиринэн – 677 км, салгынынан – 610 км, уунан – 847 км тэйиччи сытар.
Нэһилиэнньэни омугунан ылан көрдөххө, 2010 сыллааҕы дааннайынан: сахата – 98,1%, нууччата – 0,8 %, онтон атын омуга – 1,1%. Онон сахалар уутуйан олохсуйан олороллор диэн этэр кыахтаахпыт.
Билиҥҥитэ 21 муниципальнай тэриллии баар: Балаҕаннаах, Боотулуу, Кырыкый, Быракаан, Үөһээ Бүлүү, Дүллүкү, Далыр, Үөдүгэй, Кэнтик, Маҥаас, Мэйик, Нам, Оҥхой, Өргүөт, Ороһу, Сургуулук, Тамалакаан, Туобуйа, Харбалаах, Хомустаах уонна Хоро нэһилиэктэрэ.
Улуус экэниэмикэтигэр инники миэстэни тыа хаһаайыстыбата ылар. Төрүт олохтоох нэһилиэнньэ уратытынан, үгэс буолбут дьарыгын, сиэрин-туомун, тылын-өһүн, култууратын өрө тута сылдьара буолар. Тыа хаһаайыстыбатынан дьарыктанар сирэ 69,3 тыһ. гектар, итинтэн бааһыната – 2,6%, оттонор ходуһата – 37,3%, мэччирэҥэ – 56,7%, туһаныллыбат сирэ –3,5%.
1917 с. диэри Үөһээ Бүлүү улууһа Бүлүү уокуругар киирэрэ, 24 нэһилиэктээх этэ: 1-кы Чочу, 2-с Чочу, Харбалаах, Кэнтик, Халбаакы, Дүллүкү, Ороһу, Туобуйа, Мэйик, Үөдүгэй, 2-с Үөдүгэй, 3-с Үөдүгэй, Нам, Ороһу, 1-кы Хоро, 2-с Хоро, 1-кы Күүлэт, 2-с Күүлэт, 1-кы Боотулуу, 2-с Боотулуу, Оноҕоччут, Чуукаар, Сургулуук.
Ол кэннэ Үөһээ Бүлүү 1935 сыллаахха олунньу 10 күнүгэр Бүлүүттэн арахсан, туспа улуус буолбута. Онон олунньу 10 күнэ Үөһээ Бүлүү улууһун төрүттэммит күнүнэн ааҕыллар. Быйыл улуус 88 сылын экэнэмиичэскэй бигэ туруктаах, олохтоох-дьаһахтаах, үгэстэргэ олохсуйбут баай култууратын өрө тутан көрсөр.
Ааспыт сылга Олоҥхо ыһыаҕын үрдүк таһымнаахтык, киэҥ далааһыннаахтык ыыппыттара, быйыл, саха норуотун чулуу уолун, Саха АССР Совнаркомун бастакы бэрэссэдээтэлин, учуонай-экэнэмиис Исидор Барахов төрөөбүтэ 125 үбүлүөйдээх сылын бэлиэтииллэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…