Бүгүн үгүс улууска хаардыыр, тыалырар

Бүгүн Саха сирин үгүс улуустарыгар халлаан сылыйыыһы. Хотугулуу-илин, соҕуруу, хотугулуу-арҕаа сорох сирдэринэн хаардыыр.  

Ленскэй, Мииринэй, Өлөөн уонна Бүлүү бөлөх улуустарга сөкүүндэҕэ 15-20 м., Эдьигээн, Эбээн Бытантай, Дьааҥы, Усуйаана улуустарыгар сөкүүндэҕэ 17-22 м.  түргэннээхтик тыалырар. Ону тэҥэ, Булуҥ оройуонугар күнүһүн сөкүүндэҕэ 19-24 миэтирэ түргэннээх силлиэ түһэр.

Салгын температурата, ортотунан, -14-19°С,  илин эҥээр -22-27°С, Өймөкөөҥҥө -33-38°С, соҕуруулуу-арҕаа -10-15°С. буолар. Күнүһүн -14-19°С, илин -20-25ׄ°С, Өймөкөөҥҥө -28-33°С, соҕуруулуу-арҕаа -5-10°С. буолар.

Оттон Дьокуускай куоракка бүгүн сарсыарда 06 чааска салгын температурата 13 кыраадыс тымныы этэ. Күнүһүн -10-12°С. буолар.