Бүгүн үгүс улууска хаардыыр

Кулун тутары дьүһүн кубулҕаттаах ый дииллэр. Ол быһыытынан бу ый устата  тыалырар-буурҕарар, хаардыыр. Сарсыардатын дьыбардаах буолар. Бүгүн үгүс улууска хаардыыр. 

Саха сиринээҕи гидрометеокиин иһитиннэрэринэн, бүгүн, кулун тутар 20 күнүгэр, хотугулуу-соҕуруу уонна киин улуустарга күнүһүн кыратык хаардыаҕа. Арҕаа уонна соҕуруулуу-арҕаа биллэрдик хаардыыра күүтүллэр.

Соҕуруулуу-арҕаа, Халыма эргин уонна арктика үгүс улуустарыгар сөкүүндэҕэ 15-20 түргэннээхтик тыалырыа, буурҕарыа.

Түүнүн хотугулуу-арҕаа 35-40, соҕуруулуу-илин 21-26, соҕуруу 14-19, соҕуруулуу-арҕаа 7-12 кыраадыс тымныйбыт. Күнүһүн хотугулуу-арҕаа 23-28, соҕуруулуу-илин 10-15, соҕуруулуу-арҕаа (сорох эргин) 5-10 кыраадыс тымныйар. Оттон соҕуруу 5 кыраадыска тиийэ сылыйар.

Бүгүн Дьокуускайга хотугулуу-арҕааттан сөкүүндэҕэ 3-8 түргэннээхтик тыалырар. Түүнүн 25-27 кыраадыс тымныйбыт. Күнүһүн 16-18 кыраадыс тымныы буолар.