Бүгүн үгүс улуустарга хаар түһүөҕэ

Бүгүн, сэтинньи 8 күнүгэр, үгүс улуустарга хаар түһүөҕэ диэн Саха сиринээҕи УГМС иһитиннэрэр.

Күнүс арҕаа, хотугулуу-арҕаа улуустарга кыралаан хаардыаҕа, сорох сирдэринэн сөкүүндэҕэ 9-14 миэтэрэ түргэннээх тыаллаах.

Түүн салгын температурата киин улуустарга -19-24°, хотугулуу-илин улуустарга -35-40°, арҕаа, соҕуруу улуустарга -4-9°, сорох сирдэринэн -11-16°, күнүс салгын температурата  -13-18°, соҕуруу, арҕаа улуустарга -4,+1°, хотугулуу-илин улуустарга -22-27° буолара күүтүллэр.