Бүгүн үгүс улуустарга халлаан тымныйда

Бүгүн Саха сирин үгүс улуустарыгар улаханнык хаардыа суоҕа. Киин улуустарга күдэннээх, тымныы күүһүрүөҕэ. Халлаан түүнүн -47-52 кыраадыс туруоҕа, арҕааҥҥы киин улуустарга, хотугулуу-илин намыһах сирдэринэн -52-57 кыраадыс буолуоҕа.

Күнүһүн -39-44 кыраадыс, хотугулуу-илин намыһах сирдэринэн -44-49 кыраадыска тиийэ тымныйыа. Арҕаа, хоту кыралаан хаардыаҕа. Арктика кытылынан миэстэтинэн сөкүүндэҕэ 9-14 миэтэрэҕэ тиийэ тыалырыаҕа, тибии тибиэҕэ. Түүнүн -40-45 кыраадыс, соҕуруулуу-арҕаа уонна Халымаҕа хаардыыр кэмигэр -33-38 кыраадыс, күнүһүн -30-35, соҕуруулуу-арҕаа уонна Арктика сорох сирдэринэн -23-28 кыраадыс буолуоа.