Бүгүн үгүс улуустарынан ардах түһэрэ күүтүллэр

Саха сирин синоптиктара бүгүн, балаҕан ыйын 3 күнүгэр,  үгүс оройуоннарынан ардах түһэрин сылыктыыллар.

Өрөспүүбүлүкэҕэ соҕуруулуу-арҕаа, соҕуруу, илин киин улуустарынан, илин, хотугулуу-илин ардах түһэрэ күүтүллэр. Тыаллаах, Арктика кытылынан сөкүүндэҕэ 15-18 м. түргэннээх күүстээх тыаллаах.

Салгын температурата түүн +5+10°С, хоту 0,+5°С, былыта суох буоллаҕына -3° кыраадыска диэри тымныйар. Күнүс салгын температурата +10+15°С, соҕуруу +15+20°С, хотугулуу-илин +5+10С кыраадыс сылаас.

Дьокуускайга кыралаан ардыыр, хотугулуу-илинтэн 5-10 м түргэннээх тыаллаах. Салгын температурата түүн +6+8°С, күнүс +12+14°С кыраадыс сылаас.

Бу күн күннээх буоллаҕына, аччаабыта өссө 4 нэдиэлэ үчүгэй күн-дьыл туруоҕа.