Бүгүн үгүс улуустарынан ардыыр, түүн тоҥорор

Cаха сирин синоптиктара бүгүн, балаҕан ыйын 9 күнүгэр, үгүс оройуоннарынан ардах түһэрин, сорох сиринэн инчэҕэй хаар түһэрин билгэлииллэр.

Өрөспүүбүлүкэҕэ арҕаа, киин уонна илин улуустарынан ардах, хотугулуу-илин инчэҕэй хаар түһэрэ күүтүллэр. Алдаҥҥа, Нерюнгрига күүстээх ардах түһэрэ уонна сөкүүндэҕэ 15-18 м түргэннээх күүстээх тыаллаах буолара билгэлэнэр.

Салгын температурата түүн  +1+6°С, былыта суох буоллаҕына -3° С кыраадыска диэри тоҥорор, хотугулуу-илин  -3-8°С кыраадыс тымныы, күнүс +10+15°С, хотугулуу-илин +5+10°С кыраадыс сылаас

Дьокуускайга түүн салгын температурата -1+1°С, куорат таһынааҕы уокуруктарынан тоҥорор,  күнүс +11+13°С, түүн сөҥүүтэ суох, күнүс кыралаан ардыыр, түүн сөкүүндэҕэ 1-4 м. түргэннээх тыаллаах, күнүс соҕуруулуу-илинтэн 4-9м. түргэннээх тыаллаах.

.