Кулун тутар 25 күнүгэр Ый туолар. Ону тэҥэ, Ый өлүүтэ буолуоҕа, ол эбэтэр, Сир күлүгэ Ыйга түһэн, Күн уотун бүөлүүр. Бу сырыыга Сир күлүгэ Ый аҥаарын эрэ сабыаҕа. Саха сиригэр ол көстүө дуо?
Онтон муус устар 5 күнүгэр аны Күн өлүөхтээх. Бу кэрчик кэми «коридор затмений» диэн ааттыыллар. Бу кэмҥэ киһи доруобуйатын көрүнэн, бэйэ бодотун тардынан, сэрэнэн сылдьыбыта ордук.
Бу сырыыга Ый өлүүтүн хоту уонна соҕуруу полюстарга эрэ көрүөхтэрин сөп. Саха сиригэр Ый өлүүтэ кулун тутар 25 күнүгэр күнүс 2 чаастан киэһэ 6 аҥаар чааска диэри буолуоҕа. Бу кэмҥэ сырдык буолан, Ый өлүүтэ көстүө суоҕа. Арай, сырдыкка саҥа тахсан эрэр туолбут Ый кытыыта эмтэрийбитин, бэйэтэ өлбөөдүйбүтүн көрүөххэ сөп буолуо. Хаартыскаҕа түһэрдэххэ, үчүгэйдик көстүөҕэ.
Ол эрээри, астрологтар Ый өлүүтүн көрөргө сүбэлээбэттэр. Сир саамай улахан аргыһа Сир олохтоохторугар барыларыгар дьайар дииллэр. Киһи уйулҕатыгар дьайан, эмискэ санаата түһүөн, эбэтэр, төттөрүтүн, кыыһыран-тымтан, охсуһан да туран кэлиэн сөп. Онон дьону кытта сыһыаҥҥа сэрэниэххэ наада.
Аны туран, кулун тутар 25-26 күннэригэр 5 бааллаах улахан магнитнай буурҕалар түһэллэр. Бу балар эмиэ киһи доруобуйатыгар, уйулҕатыгар дьайаллар.
Бу кэмҥэ туох эргэрбитин быраҕан, ситэриллэ илиги ситэрэн, ыраастанан, санааны саҥаҕа салайан, уоскуйан, чиҥээн биэриллиэхтээх. Арыгыны испэккэ, улахан дьыалаҕа кыттыспакка, элбэх дьон сылдьар сиригэр тиийбэккэ, доруобуйаны көрүнэн, сылдьарга, суолга сэрэхтээх буоларга астрологтар сүбэлииллэр.
Ол оннугар спордунан дьарыктанан, дьиэ кэргэни, доҕоттору кытта истиҥник кэпсэтэн, оонньоон, айылҕаҕа, баанньыкка сылдьан, медитациялаан, аралдьыйыахха, уоскуйуохха сөп.
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…
Саха сиригэр физическэй култуура уонна успуорт сайдыытыгар, хаачыстыба өттүнэн үрдүк кэрдиискэ тахсарыгар кылгас олоҕун анаабыт…
Бу күннэргэ Горнай улууһун Бэрдьигэстээх сэлиэнньэлэрин түөлбэлэрэ сыл устата ыытыллар күрэстэр чэрчилэринэн, өбүгэ саҕаттан оонньонор…