Бүгүн Ый муҥутаан «өллө»

Сэтинньи 8 күнүгэр киэһэ 5 чаастан саҕалаан, Саха сиригэр Ый өлүүтэ буола турар. Киэһэ 8 чааска муҥутаан “өллө”. Онтон 85 мүнүүтэ устата сыыйа Күн күлүгүттэн тахсан, толору киэбин ылыныаҕа. Бу тахсар кэмигэр Ый кыһыл өҥнөнөр.

Бу кэмҥэ Ый туолан турар, халлааҥҥа былыт суох. Онон Ый Күн күлүгэр киирэн, кытыытыттан эмтэрийэн, сыыйа сүтэн барара, кыһыл өҥнөнөрө барыта үчүгэйдик көстөр.

Ый “өлүүтэ” киэһэ 8 чаас 42 мүнүүтэҕэ бүтэр.

Ол эрээри, эзотериктар Ый “өлөр” түгэнин көрбөт ордук диэн этэллэр. Ол оннугар дьиэни-уоту хомунан, түннүгү сабан, буруонан ыраастанан, алаадьы буһарынан, инникигэ үтүөнү эрэ ыралаан, бу түгэни аһардарга сүбэлииллэр.