Салгыы
Бүгүн ыраах Ээйиккэ бырабыыталыстыба отчуота буолар

Бүгүн ыраах Ээйиккэ бырабыыталыстыба отчуота буолар

17.02.2023, 09:59
Хаартыска олохтоох дьаһалта тиксэриитэ
Бөлөххө киир:

Өлөөн улууһун саамай түгэх сытар нэһилиэгинэн Солоҕон – Ээйик сэлиэнньэтэ буолар. Онон Ээйиккэ диэри улуус кииниттэн 1100 км айаннаан тиийиэхтэрин наада. Манна көтөр аал 2 чаас кэриҥэ көтөн тиийэр. Ээйиккэ биэрэпис түмүгүнэн ыллахха 358 киһи олорор. 89 дьиэ барыта сүүс бырыһыан кииннэммит ититиигэ холбоммут. Бу олус үчүгэй көрдөрүү. Сылааһынан «Эрэл» РСО хааччыйар.

Нэһилиэк дьаһалтата (баһылык Н.И.Васильева) инбэлииттэргэ, кырдьаҕастарга баанньыктарын оттоллоругар диэн субуотунньуктаан мас, муус киллэрэн абырыыр эбит.
Бэкээринэни урбаанньыт Анастасия Кучарова бэркэ үлэлэтэр. Төһө киһи сайаапка түһэрбитинэн килиэби астыыр. Онон күн аайы сибиэһэй килиэби атыылаһаллар. Уотунан үлэлиир оһохторун сэргэ маһынан оттуллар оһоҕор эмиэ килиэби астыыр. Бэкээринэ дьиэтин өрөмүөннээтэхтэринэ, өссө бэрт буолуо этэ. Манна килиэп сыаната – 54 солкуобай.
Икки ИП маҕаһыына олохтоохтору аһынан-үөлүнэн хааччыйар. Оттон социальнай суолталаах аһы-үөлү (бурдугу, саахары, мас арыытын) “Якутоптторг” тэрилтэ тиэйэр.
Бүгүн Ээйиккэ СӨ Бырабыыталыстыбатын 2022 сыллааҕы үлэтин отчуотугар олохтоохтор түмсүөхтэрэ, кыһалҕаларын туруорсуохтара. Отчуоттуур бөлөҕү СӨ култуура уонна история нэһилиэстибэтин эбийиэктэрин харыстааһыҥҥа департаменын салайааччыта Николай Макаров салайар. СӨ Судаарыстыбаннай Мунньаҕын (Ил Түмэн) норуодунай дьокутаата Елена Голомарева кыттар. Бөлөх билигин бөртөлүө түнэн көтөөрү сылдьар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 февраля
  • -27°C
  • Ощущается: -27°Влажность: 69% Скорость ветра: 1 м/с

Сообщить об опечатке

Текст, который будет отправлен нашим редакторам: