Хаартыска олохтоох дьаһалта тиксэриитэ
Өлөөн улууһун саамай түгэх сытар нэһилиэгинэн Солоҕон – Ээйик сэлиэнньэтэ буолар. Онон Ээйиккэ диэри улуус кииниттэн 1100 км айаннаан тиийиэхтэрин наада. Манна көтөр аал 2 чаас кэриҥэ көтөн тиийэр. Ээйиккэ биэрэпис түмүгүнэн ыллахха 358 киһи олорор. 89 дьиэ барыта сүүс бырыһыан кииннэммит ититиигэ холбоммут. Бу олус үчүгэй көрдөрүү. Сылааһынан «Эрэл» РСО хааччыйар.
Нэһилиэк дьаһалтата (баһылык Н.И.Васильева) инбэлииттэргэ, кырдьаҕастарга баанньыктарын оттоллоругар диэн субуотунньуктаан мас, муус киллэрэн абырыыр эбит.
Бэкээринэни урбаанньыт Анастасия Кучарова бэркэ үлэлэтэр. Төһө киһи сайаапка түһэрбитинэн килиэби астыыр. Онон күн аайы сибиэһэй килиэби атыылаһаллар. Уотунан үлэлиир оһохторун сэргэ маһынан оттуллар оһоҕор эмиэ килиэби астыыр. Бэкээринэ дьиэтин өрөмүөннээтэхтэринэ, өссө бэрт буолуо этэ. Манна килиэп сыаната – 54 солкуобай.
Икки ИП маҕаһыына олохтоохтору аһынан-үөлүнэн хааччыйар. Оттон социальнай суолталаах аһы-үөлү (бурдугу, саахары, мас арыытын) “Якутоптторг” тэрилтэ тиэйэр.
Бүгүн Ээйиккэ СӨ Бырабыыталыстыбатын 2022 сыллааҕы үлэтин отчуотугар олохтоохтор түмсүөхтэрэ, кыһалҕаларын туруорсуохтара. Отчуоттуур бөлөҕү СӨ култуура уонна история нэһилиэстибэтин эбийиэктэрин харыстааһыҥҥа департаменын салайааччыта Николай Макаров салайар. СӨ Судаарыстыбаннай Мунньаҕын (Ил Түмэн) норуодунай дьокутаата Елена Голомарева кыттар. Бөлөх билигин бөртөлүө түнэн көтөөрү сылдьар.
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…