Хаартыска; Үҥкүү тыйаатырын архыыбыттан
Сергей Зверев-Кыыл Уолун аатынан Үҥкүү Национальнай тыйаатыра Үҥкүү аан дойдутааҕы күнүнэн көрөөччүлэригэр «Үрүҥ күн оҕолоро» этнобалеты көрдөрөр.
Бүгүн, муус устар 30 күнүгэр, Саха тыйаатырыгар 17.30 чаастан саҕаланар этнобалет аан бастаан 2017 сыл сэтинньи 10 күнүгэр Саха сирэ Арассыыйа састаабыгар киирбитэ 385 уонна Үҥкүү тыйаатыра тэриллибитэ 25 сылларыгар анаммыта итиэннэ улахан ситиһиилэммитэ. Либретто ааптара уонна туруорааччы-хореограф – РСФСР ускуустубатын үтүөлээх диэйэтэлэ, Татарстан Өрөспүүбүлүкэтин норуодунай артыыһа Георгий Ковтун (Санкт-Петербург);
«Үрүҥ күн оҕолоро» этнобалет – 2019 с. «Желанный берег» тыйаатыр Х бэстибээлин «Көрөөччүлэр билиниилэрэ» бириэмийэни ылбыта, 2023 с. Новосибирскайга «Место притяжения-Сибирь» Бүтүн Арассыыйатааҕы I бэстибээлгэ кыттыбыта.
Саха норуота күн таҥаратыгар – Үрүҥ Аар тойоҥҥо сүгүрүйэр, ол иһин сахалар бэйэлэрин Үрүҥ күн оҕолорунан ааҕыналлар. Этнобалекка эдэркээн уоллаах-кыыс тапталларын нөҥүө саамай хотугу түүрдэр, саха норуотун бүтүн олоҕо көрдөрүллэр.
Тыйаатыр бу туруоруутунан көрөөччүнү омук быһыытынан үгэстэрбитигэр чугаһатар. Ол курдук, икки аакталаах этнобалекка саха норуота күн бүгүҥҥэ диэри илдьэ кэлбит хомус, чабырҕах, тойук, оһуохай, сахалыы оонньуулар уо.д.а үгэстэрбит сатабыллаахтык көрдөрүллэллэр. Дьоруойдар чаҕылхай көстүүмнэрэ, сценография, муусука, артыыстар толоруулара түмүллэн, баай ис хоһоонноох, толору көстүүлээх сүҥкэн айымньы буолан тахсыбыта.
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…