Хаартыска: Александр Тарасов.
Былырыыҥҥыттан Саха сирэ Кировскайы чөлүгэр түһэриигэ элбэх үлэни ыытта. Ол билигин да тохтообокко бара турар. Ол курдук, бүгүн Элбэх хайысхалаах киини аһыы үөрүүлээх быһыыга-майгыга буолан ааста.
Киини үөрүүлээх аһыы тэрээһинигэр ДНӨ баһылыга Денис Пушилин, РФ Бэрэсидьиэнигэр Саха сирин бастайааннай бэрэстэбиитэлэ — СӨ Бырабыыталыстыбатын Бэрэссэдээтэлин бастакы солбуйааччы, байыаннай сулууспалаахтары өйүүр кэлим сүрүннүүр киин бэрэссэдээтэлэ Андрей Федотов, СӨ ОДьКХ уонна энэргиэтикэҕэ миниистирин 1-кы солбуйааччы Виктор Романов, ДНӨ экэнэмиичэскэй сайдыыга миниистирин э.т. Владимир Зверков, ДНӨ-ҕэ Элбэх хайысхалаах киин салайааччыта (МФЦ) Александр Крупинец кытыннылар.
«Билигин Кировскай олохтоохторо күнтэн күн куораттара уларыйа, тупса турарын көрөллөр. Соторутааҕыта эрэ Айсен Николаевы кытары Элбэх хайысхалаах киини аһан үлэлэтии туһунан кэпсэппиппит. Номнуо бүгүн үлэҕэ киллэрдибит. Саха сиригэр Кировскай куораты кытта шефтэһэргэ ылсыбытыгар махтанабыт», — диэн ДНӨ баһылыга Денис Пушилин Кировскай олохтоохторун ааттарыттан махтал тылларын эитилэр.
РФ Бэрэсидьиэнигэр Саха сирин бастайааннай бэрэстэбиитэлэ, байыаннай сулууспалаахтары өйүүр кэлим сүрүннүүр киин бэрэссэдээтэлэ Андрей Федотов: «Билигин Саха сирэ паарканы чөлүгэр түһэриигэ үлэлэһэр. Хаачыстыбалаахтык оҥорон кэмигэр туттарыахпыт», — диэн эттэ.
Элбэх хайысхалаах киин иэнэ 188 кв. м. Үлэ муус устартан саҕаламмыта. Билигин Кировскай олохтоохторо судаарыстыбаннай биир кэлим өҥөнү туһанан эрэллэр.
Санатар буоллахха, 2023 сылга Кировскайга чуолаан маннык үлэлэр үмүрүтүллүөхтээхтэр:
— Барыта 28 эбийиэк чөлүгэр түһэриллиэхтээх, ол иһигэр 2 №-дээх оскуола (тэлгэһэтин тупсаран оҥоруу), 1 №-дээх (өрөмүөн), куораттааҕы балыыһа куорпустарыгар, куораттааҕы бибилэтиэкэ, «Победа» паарка (тэлгэһэтин тупсарыы), муусука оскуолата, 3 дьааһыла-саад (үрдүн өрөмүөннээһин), Элбэх хайысхалаах киин (өрөмүөн), спортивнай былааһакка, 10 уулусса өрөмүөнэ уонна алта уулуссаҕа сырдатыы үлэтэ бааллар.
Бүгүҥҥү күҥҥэ алта уулуссаҕа сырдатыы үлэтэ, куораттааҕы балыыһа кырыыһатын, Шахтерскай уулуссаҕа кыбартаал иһинээҕи учаастак өрөмүөннэрэ үмүрүтүллүбүттэр.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…