Бу сайыҥҥыттан “Якутоптторг” хампаанньа дьоҕус суудунанан Владивосток куораттан ыраах хоту бөһүөлэктэргэ, ол иһигэр Зырянкаҕа уонна Орто Халымаҕа ас-үөл таһар кыахтанна.
Бу үлэ хайдах ыытылла турарын туһунан суруналыыс Айаал Аргунов сырдатта.
Ааспыт нэдиэлэҕэ Дьокуускай куоракка уматык сыаната үрдээн, нэһилиэнньэ айманан ылла. Дьиҥинэн, дойдуга бүтүннүүтүгэр бэнсиин сыаната үрдээтэ. Уматык, чуолаан, бэнсиин сыаната туохтан маннык үрдүүрүй уонна ону тохтотор кыах баар дуо? Бу туһунан суруналыыс Сайаана Львова ырытыытын ааҕыҥ.
“Уолаттарбыт биһигини ис сүрэхтэриттэн үөрэн-көтөн көрүстүлэр. Ол курдук, сахалыы сиэринэн отууга курдук итии чэйдээх көрсөн, биһиги эмиэ уйадыйа үөрдүбүт. Кып-кыра кылам түгэҥҥэ сайылыкка оттуу сылдьар курдук сананныбыт. Биллэн турар, оннук турук билигин байыаннай эпэрээийэни сырдата сылдьар суруналыыс Александр Тарасов Мариупольга саха ыччаттарын көрсүбүтүн уһунан сырдатта.
“Ааспыт чэппиэргэ лоп курдук 10 чааска Благовещенскайтан кэлбит пуойаһы тоһуйа киирэсырыттым. Нууччалыы, сахалыы тылынан пуойас кэлбитин биллэрээттэрин кытта өр өтөр буолбата, дьон биирдии-биирдии богуонтан тахсыталаан, арыаллааччыны кытта быраһаайдаһан, бэрт тиэтэйэ-саарайа оптуобустарга бардылар” диэн Аллараа Бэстээхтээҕи тимир суол вокзалын бүгүҥҥү үлэтин-хамнаһын туһунан суруналыыс Женни Стрюкова бэрт сэргэх репортааһын бүгүҥҥү хаһыакка ааҕыҥ.
Эмиэ бу суруналыыс ааспыт нэдиэлэҕэ Мэҥэ Хаҥаласка Табаҕа сэлиэнньэтигэр отчуттары көрсүөм дии санаабыта табыллыбата. Курулас ардах түһэн, отчуттар дьиэлэригэр төннүбүттэр. Оттооһун үлэтин ардах атахтаабытын ыраата барбакка олохтоох дьаһалта дьиэтин таһыгар да көрүөххэ сөп. Манна охсуллубут от ардахха былдьанан, мунньуллубакка хаалбыт. “Дьэ, хайа диэки хайыһыахха?” дии санаат, Женни Стрюкова ханна тиийбитин бүгүҥҥү хаһыаттан билиэххит.
Атырдьах ыйын 1 күнүттэн Арассыыйаҕа омук сириттэн киирэр массыыналарга сокуон уларыйыыта ортотунан “иномарка” массыына сыанатын биллэрдик үрдэтиэн сөп диэн Егор Карпов ырытыыта болҕомтону тардыаҕа.
Ааспыт саас муус устар 16 күнүгэр аҕыс саастаах оҕо үөр ыт саба түһүүтүттэн өлбүтэ. Сокуоҥҥа уларытыыны киллэрии туһунан этии Оренбурга оҕо өлүүлээх иэдээн кэнниттэн саҕаламмыта. Аны мантан антах бэйдиэ ыт кыһалҕатын эрэгийиэннэр бэйэлэрин олорор усулуобуйаларынан, килиимэттэринэн көрөн учуоттуохтара диэн сокуон бырайыагын бастакы ааҕыы кэнниттэн дьоҥҥо эрэл санаа үөскээбитэ… Салгыы бу сытыы тиэмэни суруналыыс Ульяна Захарова хайдах ырыппытын бүгүҥҥү хаһыаттан билиэххит.
СӨ Үлэ уонна социальнай сайдыы министэристибэтин социальнай бэлиитикэҕэ дэпэртээмэнин салайааччыта Ирина Слепцова иһитиннэрбитинэн, б.дь. от ыйын 7 күнүттэн «Саха Өрөспүүбүлүкэтигэр тыыл уонна үлэ бэтэрээннэригэр социальнай өйөбүл туһунан” СӨ сокуонугар уларытыы киирдэ. Ол курдук, бэтэрээннэргэ өрөспүүбүлүкэгэр сынньанар буоллахтарына, үс сылга биирдэ санаторнай-курортнай путевка 80% төлөнөр. Бу маннык өйөбүлбыйылгыттан өрөспүүбүлүкэ таһыгар “Бэс Чагда” санаторийга көрүллэр буолла. Онтон атын дойду санаторийдарыгар өйөбүл көрүллүбэт. Национальнай бырайыагынан састаах дьоҥҥо туох үлэ ыытылларын туһунан бүгүҥҥү хаһыакка ааҕыҥ.
Амма улууһугар буолан ааспыт адаптивнай успуорт көрүҥнэрин 14-с “Дьулуур” спартакиадатыгар доруобуйаларынан хааччахтаах араас дьылҕалаах дьон кэлэн кыттыыны ылбыттара. Кинилэртэн үгүстэрэ аҕам саастаах дьон буолан, бэйэлэрин кыһалҕаларын кытта дьиэлэригэр бүгэн олорбуттара баар суол. Ол эрээри «олорбуттара» диэн мээнэҕэ эппэтим. Мантан инньэ кинилэр спартакиада кэнниттэн санаалара бөҕөргөөн, толкуйдара кэҥээн, уопут атастаһан, олохторун ис тутулун тосту уларыталлара чахчы. Кэпсэппит дьонум бары итинник санаалаахтар. Бүгүн “Саха сирэ” хаһыакка ыалдьыттыыллар спартакиада дьоруойдара — санааларын күүһүнэн бэйэлэрин улуустарыгар кыайыыга кылааттарын киллэрбит тыыл уонна үлэ бэтэрээннэрэ.
Тыа сиригэр туризмы сайыннарыы туохтан тутулуктааҕый? Тоҕо биһиги аттыбытыгар баары таба туһаммаппытый? Бу туһунан СӨ Туризм сайдыытыгар территориальнай маркетинг ааҕыныстыбатын салайааччыта Дмитрий Громов сэргэх анаарыытын ааҕыҥ.
“Олохтоохтор күүскэ бэлэмнэммиттэр, сиэргэ-туомҥа наадалаах сахалыы иһити-хомуоһу, атрибуттары барытын бэлэмнээбиттэр. Аны тыһыынча киһи кыттыаҕа диэн эппиттэрин иһин, тыһыынча кымыс, тыһыынча убаһалаах эт, алаадьы баар буолуохтаах диэбиппит уонна аҕыйах күн иһигэр толору оҥоруохтара дуо диэн долгуйуу эмиэ баара. Ол эрээри, ыалдьыттар бары ыһыах аһылыга кэһиилээх тарҕаспыттарын көрөн бэйэбит оҕолуу үөрдүбүт”. Бу Өймөкөөҥҥө ыытыллыбыт Олоҥхо ыһыаҕар Күнү көрсүү уонна Кымыс иһиитин сиэрин-туомун ыыппыт Ньурба улууһун дэлэгээссийэтин кытта суруналыыс Надежда Егорова кэпсэтиитэ ааҕааччы болҕомтотун тардыаҕа.
“Кыыс Дэбилийэ” испэктээккэ Татарстан Өрөспүүбүлүкэтин Судаарыстыбаннай сүбэһитэ Минтимер Шаймиев бөртөлүөтүнэн көтөн кэлэн, анаан сылдьыбыт. Кини бу бэстибээли бэйэтинэн тэрийбит эбит. Олоҥхо тыйаатырын салайаааччыта Мария Турантаева бу туһунан сырдатыыта – бүгүҥҥү хаһыакка.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…