Бүгүҥҥүттэн, олунньу 14 күнүттэн, Амма улууһугар СӨ ситэриилээх былааһын уорганын отчуота саҕаланна. Бастакы бөлөҕү Бырабыыталыстыба бэрэссэдээтэлин солбуйаачы Сергей Местников салайар. Бөлөх бастакы күн Өнньүөс, Болугур, Покровка сэлиэнньэлэригэр сылдьар. Үөрэх миниистирэ Нюргуна Соколова салайар бөлөҕө Алтан, Эмис нэһилиэктэригэр отчуоттуур.
Отчуоту Амма-Наахара нэһилиэгиттэн саҕалаатылар. Сергей Местников кылгастык ааспыт сыллааҕы СӨ социальнай-экэнэмиичэскэй сайдыытын туһунан билиһиннэрдэ. Манна кини: дьиэ кэргэн уонна демография, нэһилиэнньэ дьарыктаах буолуутугар көмөлөһүү, үөрэх хаачыстыбатын тупсарыыга, култуура эйгэтин уонна айар кыаҕы олоххо киллэрии усулуобуйатын тэрийии, тыа хаһаайыстыбатын сайыннарыы, о.д.а. киллэрэн туран кэпсээтэ.
Өнньүөс нэһилиэгин дьонун сүрүннээн Амма өрүһү, айылҕатын харыстааһын боппуруоһа долгутар эбит. Тустаах боппуруоһу хаста даҕаны лаппыйан ыйыттылар, инникитин хайдах буолуон туоһуластылар. Ону тэҥэ, сытар балыыһа, хаарбах дьиэттэн көһөрүү, саҥа кулууп, оскуола түмэлин өрөмүөнүн, оҕо ааҕыытын көҕүлээһини туруорустулар, бэйдиэ сылдьар ыттар боппуруостарын, о.д.а. ыйыталастылар. Манна барытыгар оробуочай бөлөх үлэһиттэрэ сиһилии хоруйдары биэрдилэр, быһаардылар.
Түмүккэ бырабыыталыстыба бэрэссэдээтэлин солбуйааччы Сергей Местников отчуокка маннык толору сааланы көрбөтөх ыраатта диэн бэлиэтээтэ. Туруорсууларгыт, этиилэргит оруннаахтар диэн эттэ.
Эдьиий Дора эр дьоҥҥо сүбэтэ. Билигин күрдьэҕинэн сирин тиэринэр киһи биллэ аччаата. Эмиэ албастаах, киһи…
Дьокуускай куорат баһылыга Евгений Григорьев Строительнай уокурукка сырытта. Көһө сылдьар мунньахха куорат борокуруора Виктор Умеренко…
Кальяны тардан сэллик ыарыыга сыстыахха сөбүн билэр киһи аҕыйах буолуохтаах. Ол туһунан Наркология өрөспүүбүлүкэтээҕи диспансерын…
Аҕа дойду уоттаах сэриитин кэмигэр дойдубутун кырыктаах өстөөхтөн көмүскээбит дьоммутун ахтар-саныыр, аҕа көлүөнэ албаннаах аатыгар…
«О побочных продуктах животноводства и о внесении изменений в отдельные законодательные акты РФ» диэн 248…
Дьокуускайга А.Е.Кулаковскай аатынан норуоттар доҕордоһууларын дьиэтигэр Улуу Кыайыы устуоруйатын сырдатар ураты быыстапка тэрилиннэ. Бу "Живи…