Бүгүҥҥүттэн Бесик Кудухов кэриэһигэр аналллаах турнир саҕаланар

Ааптар: Саха Сирэ

04.12.2022, 09:04

Бөлөххө киир:

Бүгүҥҥүттэн, ахсынньы 4 күнүттэн, Краснодар куоракка Олимпийскай оонньуулар икки төгүллээх призера, аан дойду түөрт төгүллээх чөмпүйүөнэ, биллэр-көстөр тустуук Бесик Кудухов кэриэһигэр аналлаах турнир саҕаланар.

Күрэхтэһиигэ Арассыыйа үгүс эрэгийиэннэриттэн кытталлар. Саха сириттэн 27 бөҕөс тиийдэ. 21-гэр диэри саастаахтар илин-кэлин былдьаһаллар. Саха сириттэн 57 киилэҕэ диэри ыйааһыҥҥа 11 бөҕөс кыттар. Кинилэр ортолоругар Сунтаартан төрүттээх Саха сирин чөмпүйүөнэ Лев Павлов баар.

Ааспыт сыллааҕы күрэхтэһиигэ биһиги бөҕөстөрбүт үс мэтээли аҕалбыттара. Егор Явловскай үрүҥ көмүс, Александр Болуров уонна Владимир Бояновскай боруонса мэтээллэри ылары ситиспиттэрэ.

Быйылгы күрэхтэһиигэ Саха сирин сүүмэрдэммит хамаандата:

57 киилэҕэ — Петр Адамов, Ян Васильев, Николай Заболоцкай, Николай Захаров, Анатолий Козлов, Николай Охлопков, Лев Павлов, Дьулус Петров, Кэскил Семенов, Данил Мохначевскай, Эльдар Иванов;

61 киилэҕэ — Юлиан Григорьев, Андрей Мидловец, Артем Слепцов, Виктор Яковлев, Аслан Трофимов;

65 киилэҕэ — Иван Потапов, Кирилл Дорожкин, Николай Иванов, Григорий Осипов, Николай Спиридонов;

70 киилэҕэ — Иннокентий Барабанов, Владимир Бояновскай, Петр Ксенофонтов;

74 киилэҕэ — Андрей Румянцев;

79 киилэҕэ — Ньургун Малышев;

125 киилэҕэ — Михаил Нестеров.

Хаартыска — СИА

Сообщить об опечатке

Текст, который будет отправлен нашим редакторам:

Отправить