Хаартыска: ааптар тиксэриитэ
Бүгүн, муус устар 17 күнүттэн өрөспүүбүлүкэ киинэ тыйаатырдарыгар дойдубут киэн туттар спортсменката, Паралимпийскай оонньуулар үрүҥ көмүс медалистара, Европа чөмпүйүөҥкэтэ Анастасия Диодорова туһунан «Диодорова.Против течения» киинэ көрдөрүүтэ саҕаланар.
Оҕо сааһыгар олох улахан охсуутун ылан, инбэлиит буолар дьылҕаламмыт кыыс ыарахан олоҕун, улахан успуорка, харбааһыҥҥа ситиһиилэрин саха дьоно мэлдьи сэргии, киэн тутта көрөр. Ону сэргэ, оҕолорун инники дьылҕатыгар олохторун анаан, «сүүрүгү утары охсуспут» төрөппүттэрин олоҕо мэлдьи долгутар да, сөхтөрөр да.
Талааннаах режиссер Сандал Баишев устубут киинэтигэр сүрүн оруолларга СӨ үтүөлээх артыыстара Ирина Никифорова,Федот Львов,Анастасияны- Мария Иванова,тириэньэрин үгүс сэрийээллэргэ көрөр артыыспыт Татьяна Арнтгольц толорбуттар.
Ийэ итии сүрэҕэ, оҕотугар таптала хайдахтаах күүстээҕин, хорсунун көрдөрөр ураты киинэ саха дьахтарын биир ураты кыаҕын, бу чэпчэкитэ суох олоххо тардыһыытын, тулуурун уонна дьулуурун туоһутунан буолар.Дьиҥнээх олохтон ылыллыбыт, дууһа кылын таарыйар, долгутар бу саҥа киинэни көрүҥ, сэргээҥ диэн биир дойдулаахтарбын ыҥырабын.
Анастасия Диодорова биһиги бүгүҥҥү олохпут дьоруойа буолан, ыччат дьоммут дууһатыгар олоххо тапталы, хорсун санааны, тулууру уонна дьулууру саҕыахтын.
Мария НИКОЛАЕВА, Ньурба
Өлүөхүмэ улууһун Кыыллаах нэһилиэгэр бүгүн олус күүстээх тыал түспүт. Бэл диэтэр, сарай кырыыһата кытта көппүт.…
Аҕыс ыйдаах кыһын кэнниттэн былыр былыргыттан күөххэ үктэнээт, саха киһитэ ыһыаҕы ыһар. Бу үтүө үгэс…
Бүгүн, бэс ыйын 24 күнүгэр, СӨ Арбитражнай суута Экология уонна ойуур хаһаайыстыбатын министиэристибэтин ирдэбилинэн, …
“Земскэй учуутал” бырагыраама кыттыылааҕа Светлана Михайловна Бурцева Чурапчы улууһун Кытаанах нэһилиэгэр нуучча тылын, литературатын учууталынан…
Бэс ыйын 24 күнүгэр "Аҕа дойдуну көмүскээччилэр" пуонда филиалыгар анал байыаннай дьайыыга сырдык тыыннара быстыбыт…
Нам улууһун Хамаҕатта нэһилиэгин олохтооҕо 73 саастаах Зоя Исаевна Осипова уола Семен Иванович, сиэнэ Айсен…