Бүгүҥҥүттэн Дьокуускайга оптуобустар сырыыларын уларыйбыт схеманан саҕалаатылар

Бүгүҥҥүттэн, сэтинньи 18 күнүттэн, Дьокуускайга оптуобустар сырыыларын уларыйбыт схеманан саҕалаатылар.

Оптуобус сырыыта  тоҕус туһаайыыга уларыйда – 2, 4, 5, 6, 7, 14, 16, 19 уонна 35 нүөмэрдээх оптуобустар саҥардыллыбыт кыраапыгынан айаннаатылар.  Манна эбии саҥа 12 №-дээх оптуобус сырыыта олохтонно.

Дьокуускайдааҕы суол тырааныспарын сулууспата иһитиннэрбитинэн, сэтинньи 18 күнүн сарсыардатыгар «СоюзАвто» куорат оптуобустарыгар кыраапыгы толоруу бырыһыана кэнники үс сылга аан бастаан 92% тэҥнэстэ. Онон, оптуобус сырыытынан туһанааччылар, уларыйбыт туһаайыылар оптуобустар нүөмэрдэрин өйдөөн кэбиһиҥ, бастакы кэмҥэ болҕомтолоох буоларгыт наада.