Бүгүҥҥүттэн Дьокуускайга ититиини биэрии саҕаланар

Бүгүҥҥүттэн Дьокуускайга элбэх кыбартыыралаах дьиэлэринэн уонна социальнай эбийиэктэринэн ититиини биэрии былааннанар. Бу туһунан ОДьКХ миниистирэ Вячеслав Емельянов иһитиннэрбитэ.

«Арктика уонна хоту улуустарынан, 14 муниципальнай тэриллиилэргэ, оттук кэмэ саҕаламмыта. Дьокуускайга оттук кэмэ балаҕан ыйын 8 күнүттэн саҕаланар», — диир Вячеслав Емельянов.

Өрөспүүбүлүкэ үрдүнэн уопсайа 14 улууска ититии бэриллибитэ, ол иһигэр Аллайыахаҕа, Анаабырга, Аллараа Халымаҕа, Булуҥҥа, Өлөөҥҥө, Орто Халымаҕа, Муомаҕа, Үөһээ Дьааҥыга, Усуйаанаҕа, Эбээн-Бытантайга, Эдьигээнҥэ, Үөһээ Халымаҕa уонна Горнайга.

Бу нэдиэлэттэн ититиини биэрии бүтүн Саха сирин үрдүнэн саҕаланар. Оттуур кэми саҕалыыр уонна түмүктүүр быһаарыыны муниципальнай тэриллии олохтоммут нуормаларга уонна күн-дьыл туругар сөп түбэһиннэрэн ылынар.