Бүгүҥҥүттэн Дьокуускайга оптуобус саҥа маршрута сылдьыаҕа

Бүгүҥҥүттэн, ахсынньы16 күнүттэн, Дьокуускай куоракка 51п нүөмэрдээх саҥа маршрут сырыытын саҕалыаҕа. Саҥа маршрут дьон үгүстүк айанныыр чааһыгар П.Алексеев аатынан уулуссаҕа уопсастыбаннай тырааныспар сырыытын тупсарар соруктаах толкуйдаммыт.

Дьокуускай куорат мээрэ Евгений Григорьев тус телеграм-ханаалыгар иһитиннэрбитинэн, бүгүҥҥүттэн куоракка 51п нүөмэрдээх оптуобус саҥа маршрута сырыытын саҕалыыр. “51п нүөмэрдээх саҥа маршрут  “Аэропорт” – “Намыв” (203 мкр.) каартаҕа көстөрүн курдук тохтобуллары оҥоруоҕа.

51п маршрут – биһиги куораппытыгар дьону таһар, 12 км айанныыр саҥа көрүҥнээх маршрут. Пилотнай эрэсиим быһыытынан үлэлээн көрүөҕэ. Маршрукка “Вектор” оптуобустар үлэлиэхтэрэ.

Саҥа маршрут дьон элбэхтик сылдьар чаастарыгар П.Алексеев аатынан уулуссаҕа уопсастыбаннай тырааныспар сырыытын тупсарыаҕа. Ону тэҥэ, 203-с уонна 202-с түөлбэ олохтоохторо П.Алексеев уулуссатыгар баар доруобуйа харыстабылын эбийиэктэригэр  түргэнник тиийэллэригэр көмөлөһүөҕэ.

Өҥөнөн элбэх киһи туһанар, дьон сэҥээрэр түгэнигэр салгыы кыраапык уонна оптуобус эбиэхпит” – диэн суруйар.

Оптуобус бу курдук наардалынан үлэлиэҕэ:

«Аэропорт» бүтэһик тохтобул

• 07:10
• 07:25
• 09:15
• 16:30
• 18:15
• 18:40 — бүтэһик сырыы.

«Намыв» бүтэһик тохтобул

• 08:10
• 08:30
• 17:00
• 17:30.

•