Бүгүҥҥүттэн Өлүөнэҕэ 30 суудуна үлэлиэҕэ

Бүгүн, муус устар  24 күнүттэн, Дьокуускай — Аллараа Бэстээх хайысхатынан 204-с түөлбэттэн «Намыв» станцияттан  «ЛенаВодСервис» суудуналара үлэлэрин саҕалыахтара. Бу туһунан СИА суруйар.

Хампаанньа салайааччыта  Борис Строев: «Икки биригээдэ холбоһон үлэлиэхпит.   «ЛенаВодСервис» 25  уонна  «ЛенаТранс» 5 суудуналара. Маны таһынан үһүс биригээдэ —  «ЛенаТур» «тайфуннара» тахсыахтара. Бары  «Намыв» станцияттан үлэлиибит», — диэтэ.

Билиэт сыаната 2 тыһ. солк., суудуналар сарсыарда  7:00 чаастан  20:00 чааска диэри сылдьаллар.

Гидрологическай балаһыанньа кытааттаҕына, сыана үрдээн, 2500 — 3000 солк. буолуоҕа.