Хаартыска: Үөрэх, билим министиэристибэтин телеграмыттан.
Бүгүҥҥүттэн СӨ үөрэҕириитин үтүөлээх үлэһитэ, РФ уопсай үөрэхтээһинин бочуоттаах үлэһитэ М.К.Петрова аатынан, Аҕа дойду Улуу сэриитигэр Кыайыы 80 сылыгар аналлаах “Кылаас салайааччыта-2025” идэ маастарыстыбатын өрөспүүбүлүкэтээҕи III күрэһэ саҕаланна.
Күрэс кылаас салайааччытын иитэр үлэтигэр бастыҥ быраактыканы көрдөөн тарҕатар, кини үлэтин суолтатын үрдэтэр, уопсастыба ону билинэрин ситиһэр сыаллаах ыытыллар.
Тэрээһин С.Н.Донской-II аатынан Үөрэҕи сайыннарар уонна идэ таһымын үрдэтэр институт тэрийиитинэн кулун тутар 11-14 күннэригэр буолуоҕа. Барыта түөрт түһүмэхтэн турар. Ол курдук, бүгүн “Классно быть “классным!” бэйэни, үлэни билиһиннэрэр бастакы түһүмэх ыытыллар. Сарсын “Суолталааҕы кэпсэтии” диэн күрэс иккис түһүмэҕэ буолуоҕа. Бу икки түһүмэх түмүгүнэн лауреаттар ааттара биллиэҕэ.
Салгыы кулун тутар 13 күнүгэр үһүс түһүмэх — “Аҕа дойду Улуу сэриитигэр Кыайыы 80 сылыгар аналлаах маастар-кылааһы” ыытыахтара. Кулун тутар 14 күнүгэр кыттааччылар “Кылаас салайааччытыттан ыйытыы” төрдүс бүтэһик түһүмэххэ киириэхтэрэ. Ити күн тэрээһин үөрүүлээх сабыллыытыгар кыайыылаахтар ааттарын биллэриэхтэрэ.
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…