Бүгүҥҥүттэн күүстээх магнитнай буурҕалар түһэллэр

Кулун тутар 7 күнүттэн Сиргэ күүстээх геомагнитнай буурҕалар саҕаланаллар.

Бүгүҥҥүттэн саҕаламмыт буурҕалар ый бүтүөр диэри салҕаныахтара. Бу Күҥҥэ улахан эстиилэри уонна плазманы быраҕыыны кытта сибээстэнэр. Маннык буурҕалар Сир аргыстарын, сибээскэ уонна уот ситимин үлэлэрин алдьатыахтарын, харгыстары үөскэтиэхтэрин, итиэннэ айылҕа дьайыыларыгар ордук ылымтыа дьон доруобуйаларыгар охсуохтарын сөп.

Учуонайдар билгэлэринэн, Сиргэ бастакы долгун кулун тутар 7 күнүгэр түһэр, оттон муҥутуур дьайыыта ый ортотугар уонна ый бүтүүтэ — быһа холоон кулун тутар 15-17 уонна 28-31 күннэригэр тиийиэҕэ.

Күннэрэ өссө чуолкайданаллар, ол эрээри эспиэрдэр бу күннэргэ төбөтө ыарыытын, сылайыыны уонна хаан баттааһына уларыйа сылдьарын сэрэтэллэр. Ордук хроническай ыарыылаахтарга уонна аҕам саастаахтарга кутталлаах диэн быһаараллар.

Күн дьайыыта оччо үрдүк буолан, Арассыыйа хотугу эрэгийиэннэригэр кытары тиийэрэ бэлиэтэнэр. Учуонайдар ону сэргэ маннык буурҕа кэмигэр олохтоохтор дьүкээбил дьиримниир суһумун көрүөхтэрин сөп диэн бэлиэтииллэр.