Хаартыска: СИА.
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас да улууска дьэдьэни уонна сугуну хомуйуохха сөп буолар, диэн Экология уонна айылҕа харыстабылын министиэристибэтэ иһитиннэрэр.
От ыйын 5 күнүттэн тураах сугунун хомуйуута саҕаланар. Онтон салгыы дьэдьэн уонна сугун ситэллэр, ону от ыйын 10 күнүттэн хомуйарга көҥүллэнэр.
От ыйын 20-с чыыһылаттан биэ эмиийин хомуйуута саҕаланыа.
Атырдьах ыйын саҥатыгар хара отону, уохтаны, моонньоҕону хомуйуохха сөп.
Киин уонна Бүлүү бөлөх улуустарыгар отон хомуура атырдьах ыйын 25 күнүттэн саҕаланыа, оттон хоту улуустарга атырдьах ыйын бүтүүтэ ситиэҕэ.
Кедр эриэхэтин алдьаппакка-кээрэппэккэ атырдьах ыйын 25 күнүттэн хомуйуохха сөп, сорох улуустарга – балаҕан ыйын 1 күнүттэн саҕаланыа.
«Олохтоммут болдьоххо сир аһын бэйэ наадыйыыга эрэ хомуйар көҥүллэнэр. Тыа баайын атыы-эргиэн сыалыгар-соругар хомуйарга сокуонунан тустаах дуогабары түһэрсиэххэ наада. Дьон тыаҕа көҥүл сылдьан, тыа аһын мэһэйэ суох хомуйуохтарын сөп, ол иһигэр арендалаабыт тыа пуондатын учаастактарыгар эмиэ», — диэн Айылҕа харыстабылын министиэристибэтигэр бэлиэтээтилэр.
Маны таһынан, биэдэмистибэҕэ баһаартан сэрэхтээх буолуу кэмигэр тыаҕа кутаа уоту оттор бобулларын санаттылар.
Бу күн халлаан куйаарыгар ураты энергия баар. Ый Кыыс бэлиэтигэр сылдьар. Бу бэлиэ бэрээдэги, чуолкайы, ырааһы…
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…